主題原文

Hello 阿哲

壞蛋小跟班嚟喇 …睇到啲咁嘅開場白係咪有啲頭暈呢
@.@

海外巡迴首站 ~ 新加坡 終於可以係當日朝早出發 + 準時趕到酒店拎飛（第1次到 SG 都要俾個 "叻" 讚自己 ~ 竟然係無乜點做地區資料搜集 又膽粗粗摸到去酒店、會場） …今次坐嘅位置又近咗舞台啲啲啦（第4行 + 算近舞台中央位置） ^.^

呢次 感覺又有驚喜 ~ 阿哲 你除咗克服身體上仍然有啲唔舒服外（感冒 好似由 南京站前 到 新加坡站 都未完全好翻晒喎 ~ 仲有啲鼻水、痰）…但係都無影響到 你 係當晚嘅演出 ~.<

今次 發覺 阿哲 在演繹 寬容、遷徙、焚情（幾首高難度嘅歌）+ 敘述、殘念、時間都去哪兒了、信仰、太想愛你、別怕我傷心、不要對他說 氣量又再有啲進步咗 + 真假/高低音嘅變化 + 有啲歌曲伴奏再有少少改編 …莫非 你 係繁忙工作行情中 仲有抽時間做急步行、練氣 …特別係今次 遷徙 你肯定唱得好爽喇 （之前 焚情 已經俾你 自我挑戰 玩到 每次唱完都好似虛脫咗咁）…至於 雨後 似乎已經成為今次 巡迴主題曲 喎 ~.~

新加坡站 ~ 見到 阿哲 整晚狀態都唔錯 ~ 好輕鬆、開心 + 眼裡有星星（可能係現場歌迷太熱情 --> 你有啲感動卦） +.+

另外 今次 燈光控制、舞台背景投影 非常掂 ~ 特別係你唱 信仰 時出現在舞台上的疑似光管金屬架 …睇到我都諗緊幾時放咗個架係舞台上（中間位置原本係乜都無 空呀） …真係有啲懷疑要去搵視光師驗眼 ~ 檢查吓啲近視、老花度數係咪又深咗 >.<

小跟班 喺度同 阿哲（張老闆） 申請放暑假 ~ 短期內唔嚟 豪華夜總會 上班、下班喇（內地站 暫時唔追住 ~ 因為好多地方直航機航班唔多） …唯有乖乖嘅等 海外第2站 ~ 雲頂站 上班、下班 =.=


P.S. 雲頂站 係 高海拔嘅地方 + 13 14 --> 令我諗起幾年前某套港產電影 …阿哲 你怕且要努力加油喇（高海拔 1314 之 異地戀）…我快閃 免得被人拖去後巷揼 ~.<

仲要準備上班搬磚 --> 增加存款〈環遊世界〉 ...有時間再嚟噴口水 x.x