主題原文

Hello 阿哲

2021年快要過去 又要跟過去的一年告別喇 今天壞蛋小跟班 (香港大姑娘) 又來 BiLiBaNa ~ 今年寫的最後一篇是 (港式) 廣東話/粵語 考考你能夠看得明白有多少 順道給你補補課 (上堂喇)

2021年 大家嘅生活喺疫情中可能有啲平淡 + 有啲悶 (好多嘢都受到規範限制 唔似得以前咁可以隨心所欲 鍾意點就點) ...如果 細膽/人唔夠硬淨嘅日子可能仲會過得有啲慌失失 ...但因為 阿哲 你同工作上嘅拍檔轉數夠快/識得執生 + 頂得住唔少嘅壓力下 + 唔知仲有乜事會接住發生嘅情況下 仍然去衝去做 (有膽識) --> 推出 新專輯 "就懂了" + 民°潮 月份牌圖像史 呢本書 + 舉行咗 "未來式" 2.0 演唱會 (戶外場) ~ 海口站同廣州站 ...至於 有啲啲遺憾/不完美應該係 歐洲斯洛文尼亞古堡 (噴火龍嘅家鄉) 嗰個MV喇 ...因為疫情中 你哋仍然去唔到嗰個靚境拍攝嘛 ...否則 我估呢個MV應該係 "Lorelei" 呢首歌喇 (唔知道我有冇估中呢)

2021年 雖然經歷人生嘅小低潮 但感恩開心嘅日子仍然比較多啲囉 --> 係呢度我要同 阿哲 你+潮水工作團隊/合作伙伴講一聲 ~ 謝謝你們 ...無你哋嘅堅持 我又點會睇到/擁有 民°潮 月份牌展覽 + "就懂了" 新專輯 (藝術品咁俾我珍藏) + "未來式" 2.0 海口站同廣州站 (上班囉) + 買到自己鍾意嘅紀念品 (周邊產品) + 睇到唔同嘅建築物/地區發展 (職業病又忍唔住去到邊都發作) + 做白老鼠去體驗疫情中嘅各地出入境手續同檢疫隔離又係咩一回事

呢一年經歷咗幾次隔離 + 無數次嘅核酸檢測 + 面對惡劣天氣 + 穿州過省趕行程嘅日子 + 隨時要執生去處理唔同嘅問題 ...每次嚟內地面對咁多唔同嘅嘢 我真係可以同自己講句 "跳出Comfort Zone 今次又再超越之前嘅我喇" ...因為喺每一個陌生嘅地方 隨時要去發揮我嘅小宇宙/潛能 --> 真係多咗好多難忘嘅回憶/新體驗/嘗試 間接令自己嘅轉數又提升咗唔少 執生應變能力又快咗好多

再講多一次 ~ 謝謝 阿哲 你同工作團隊成員嘅付出 令我係2021年畫上完美嘅句號外 亦間接令小跟班又再成長咗好多 人生嘅閱歷/色彩又多咗 ...期待 2022年 大家再次重新出發 走的更遠更順利 小跟班到時候又再嚟上班囉 ~.~

開始準備倒數迎接 2022 嚟喇 (新一年 新開始 嘛 ...過去一年嘅好壞又要放入歷史裡面喇) ...喺度同 阿哲 你+潮水各工作人員 講聲 ~ 新年快樂 =.=


P.S. 唔好忘記 HK 仲有好多 香港小姑娘 + 香港大姑娘 等你返嚟 (回來)